[!~*AdOrAbLe*~!]

Aks e khushboo hoon' bikharne se na roke koi
Aur bikhar jaon to mujh ko na samete koi

Kanp uthti hoon main ye soch k tanhai main
Mere chahre pe tera naam na padh le koi

Jis tarah khwab mere ho gaye reza reza
Is tarah se na kabhi toot k bikhre koi

Main to us din se harasan hoon k jab hukm mele
Khushk phoolon ko kitabon main na rakkhe koi

Ab to is raah se wo shakhs guzarta bhi nahi
Ab kis umeed pe darwaze se jhanke koi

Koi aahat' koi aawaz' koi chaap nahi
Dil ki galyaan badi sunsan hain' aaye koi