[ROSE]

mere hamraah manzileN bhii ravaaN hai
musaafir maiN huuN yaa saaraa jahaaN hai

haqiiqat tak rasaa’ii hii kahaaN hai
yaqiiN jis ko samajhte ho, gumaaN hai

vahaaN pahuNche jahaaN jaanaa nahiiN thaa
safar jitnaa kiyaa, raaigaaN thaa

vahaaN maiN dhuuNdtaa huuN jaavidaanii
jahaaN har chiiz be-naam-o-nishaaN hai

badaltaa hai din bhar meN vo ka’ii ruup
falaq shaayad chiraaGhoN kaa dhuaaN hai

ajab aaseb hai ye Khaana-e-dil
makiiN hote hu’e Khaalii makaaN hai

dahaktaa koylaa hai har harf-e-matlab
magar ye koylaa merii zubaaN hai

mere dil meN chamakte haiN sitaare
mere andar bhii shaayad aasmaaN hai

pahunchnaa hai mujhe apne Khudaa tak
magar saarii Khudaa’ii darmiyaaN hai

ye kis ko chhuu liyaa “Shehzad” maine
sakat dil meN ab na haathoN meN jaaN hai

 

---

Kabhi zindagi me kisik liay mut rona**
q k vo''tumhare ansoun k kabil nahi ho ga''
or ''vo'' jo is ''kabil'' ho ga vo tumhe ''rone'' nahi de ga''*****