Teri nafraton se gila nahin na to berukhi ka malal hai
Koi baat aysee bhi kah sakoon kahan mujh me itni majaal hai
Kahan mai ne koi gila kiya kahan tujh se koi sawaal hai
Teri berukhi ka sabab hai kya teri rukh pe kyon ye jalal hai
Meri harkaton me shaoor hai na to baat hi me kamal hai
Teri her ada hai haseen-ter teri guftagu me jamal hai
Teri rafatein meri pastian ye muqabla bhi ajeeb hai
Teri baat aur hi baat hai mera haal aur hi haal hai
Zara zulf apni bikher do meri aarzuon ko chedh do
Nahi aur koi hai aarzoo nahin aur koi sawaal hai
Tera tishna to be-zaban tha kahan us ne koi gila kiya
Woh kare ga teri shikayatein kahan us me itni majaal hai
And Your Lord Never Forget