[Rumisha]

Barri Pur-sukoon Thi Ye Zindagi Naya Dard Kis Ne Jaga Diya
Kisi Be-niyaz Nigaah Ne Mairi Wahshaton Ko Barrha Diya

Mairey Kam Sukhan Ka Ye Hukam Tha Ke Kalaam Uss Say
Main Kam Karoon
Mairey Hont Aisey Siley Ke Phir Mairi Chup Ne Ussey Rula Diya

Ussey Shair Sun-ney Ka Shoq Tha Mujhey Arz-E-Haal Ka Zoq Tha
Issi Zoq-o-Shoq Mein Aik Din Ussey Dil Ka Haal Suna Diya

Woh Nigaah Kaisi Nigaan Thi Ye Guraiz Kaisa Guraiz Hai
Mujhey Daikh Ker Bhi Na Daikhna Iss Adaa Ne Raaz Bata Diya

Kisi Naam Say Kisi Yaad Say Mairey Dil Ki Bazm Saji Rahi
Kabhi Ye Charaagh Jala Diya Kabhi Woh Charaagh Jala Diya ..

 

---