Khawish Hai Kay Iss Tour Se Jeevan Ko Guzaroo'n
Her Aks Teray Husan Ka Ankhoo'n Mai Utaroo'n
Wo Tashnalabi Hai Kay Samjh Kuch Nahi Atta
Derya Ko Sadda Doon Kay Samander Ko Pukaroo'n
Jeevan Bhi Uljhi Hoi Dorroo'n Ki Terhan Hai
Iss Soch Mai Gum Hoon Kay Issay Kaisay Sanwaroo'n
Ab Iss Kay Siwa Mera Koi Khawab Nahi Hai
Her Saans Ko Khushnood-e-Janaa'n Pay Mai Waroo'n
Behter Hai Ab Mout Ko Seenay Se Laga Loon
Iss Ma'an Ko Teray Hijar Mai Ab Kitna Mai Maroo'n
Pehlay Faqat Husrat-e-Deedar Thi Wasiq
Abb Yeh Bhi Tallab Hai Kay Usay Jeet Kay Haroo'n
And Your Lord Never Forget