Bohot Hi Yaad Aata Hai Mere Dil Ko Tarpaata Hai
Wo Tera Paas Na Hona Bohot Mujh Ko Rulaata Hai
Wo Mera Teri Aankhon Ke Samandar Main Utar Jaana
Aur Teri Muskurahat Ke Bhanwar Main Doobte Jaana
Teri Awaaz Ke Sahar Se Na Nikal Paana
Tujh Ko Dekhna Aur Bekhudi Se Dekhte Jaana
Bohot Chaha In Guzre Huye Lamhon Ko Na Sochoon
Na Teri Yaad Main Reh Ke Tere Saath Ka Sochoon
Bhula Doon Saari Yaadon Ko Jin Se Dil Tarapta Hai
Tere Hi Khawab Hote Hain Teri Hi Baat Hoti Hai
To Ab Maine Socha Ab Mumkin Nahin Tujh Ko Bhula Dena
Teri Yaad Main Rehna Tujhe Hi Sochte Rehna
Tujhe Jub Yaad Karte Hain To Dil Apna Tarapta Hai
Wo Tera Paas Na Hona Bohot Mujh Ko Rulata Hai...