Be Wafai
Hamare darmiyan aisa koye rishta nahi tha!
Teray shaanoo pe koye chahat nahi thi
Mere zimme koye qaraar nahi tha
Koye wada teri zanjeer pe banane nahi paya
Kisi iqraar ne meri kalayi ko nahi thama
Hawa-e-dasht ki manind
Tu azaad tha
Rastey teri marzi ke taabe thay
Mujhe bhi apni tanhaayi pe
Dekha jaye tuo
Poora tasarruf tha!
Magar jab aaj tu ne
Raasta badla
Tu kuch aisaa laga mujh ko
Ke jaise tu ne
Mujh se be-wafai ki!