Meri Palkoon pey ab tak kuch adhoorey khwaab jaltay hain
Meri neendoon main terii yaadl key resham ulajhtey hain
Merey aansoo merey chehrey pey terey gham ko likhtey hain
Merey andar kayi sadiyon key sannaton kaa deyra hai
Meray alfaaz baahain waa kiye mujh ko bulatey hain
Mager main thak gayaa hoon
Bohat hi thak gayaa hoon
Aur main ney khamoshi ki god main sar rakh diya hai
Main baloon main tumhari ungliyan mehsoos kerta hoon
Meri palkon pey jaltay khwaab hain ab raakh ki soorat
Tumhari yaad key resham bhee ab neendain nahin bantey
Mari aankhon main jaisay THAR kay mausam ka basera hai
Mujhay andar key sannaton main gehri neend aai hai
Suno!
Iss yaad sey keh do
Mujhay kuch dair soney dey
Main thak gaya hoon
Bohat hi thak gaya hoon
Tere Dil Main Meri Sanso Ko Panah Mil Jaey
Tere Ishq Main Meri Jaan Fana Ho Jaey