[SHAYAN]

Hum Hijr Ke Rastey Pay Safar Kar Nahin Saktey
Ikk Lamha Bina Terey Guzar Kar Nahin Saktey
Woh Aakhri Lamhon Mein Mujhey Maang Raha Hai
Ye Waqt Hai Aisa Ke Uzar Kar Nahin Saktey
Hum Iss Liye Khuda Say Khafa Ho Nahin Saktey
Shikwa Bhi Kis Liye Jo Shukar Kar Nahin Saktey
Khud Haath Say Apney Ussey Khona Hi Parrey Ga
Ye Zabt Bhi Karna Hai Magar Kar Nahin Saktey
Yoon Apni Nigahon Ko Chura Letey Hain Tujh Say
Ke Dil Ke Iradon Ki Khabar Kar Nahin Saktey
Tum Khuwab Jalatey Rahey Hum Aaj Tak Chup Thay
Abb Dil Ke Yoon Jalney Pay Sabar Kar Nahi Saktey
Ye Aankh Andhairon Mein Huyi Piyas Ka Sehra
Uss Noor Ke Dariya Pay Nazar Kar Nahin Saktey
Har Chand Mairi Aankh Mein Aansoo Hain Laraztey
Jaltey Huwey Sholey Pay Asar Kar Nahin Saktey
Jab Chaahey Baandh Lein Gey Tumhein Apni Nazar Say
Kis Ne Kaha Ke Hum Ye Sahar Kar Nahin Saktey