[AFghani_Laila]

Meray Saath Tum Bhi Dua Karo Yun Kisi Ke Haq Main Bura Na Ho
Kahin Aur Ho Na Yeh Haadsa Koi Raastay Mein Judaa Na Ho

Sar-e-sham Thairi Hui Zameen Jahan Aasman Hai Jhukaa Hua
Ussi Modh Per Meray Wastay Woh Chiragh Lay Ke Kharah Na Ho

Meri Chaatt Se Raat Ki Saijh Tak Koi Aansuon Ki Lakeer Hai
Zara Badh Ke Chand Se Poochna Woh Issi Taraf Se Gaya Na Ho

Mujhe Yun Laga Keh Khamosh Khushbu Ke Honth Titli Ne Chuu Liye
Inhi Zard Pattoun Ki Oaut Mein Koi Phool Soya Hua Na Ho

Issi Aihtiyat Mein Woh Raha Issi Aihtiyat Mein Mai Raha
Woh Kahn Kahn Mere Saath Hai Kisi Aur Ko Yeh Pata Na Ho

Woh Farishtay Aap Talaash Karyay Kahaniyun Ki Kitab Mein
Jo Bura Kahain Na Bura Sunain , Koi Shakhs Unse Khafa Na Ho

Woh Firaqh Ho Keh Visaal Ho Teri Aag Mehkay Gi Aaik Din
Woh Gulab Ban Kar Khilay Ga Kiya Jo Chiragh Ban Ke Jala Na Ho