[MAsooM LArKa]

Kal Raat Bazam Main jo Mila Gulbadan Sa Tha
Khushboo Se Us ke Lafaz Thay Chehra Chaman Sa Tha

Dekha Usay To Bol Paray Us Ke Khad-o-Khaal
Poocha Usay To Chup sa raha, Kam Sukhan Sa tha

Tanhaiyon Ki Rutt Main Bhi Lagta Tha Mutmayeen
Woh Shakhs Apni Zaat Main Ik Anjuman Sa Tha

Socha Usay To Main Kayi Rangon main Kho Gaya
Aalam Tamaam Us Ke Haseen Pairhan Sa Tha

Jo Shaakh Shaakh Thi woh Usi Ke Labon Si Thi
Jo Phool Khil Gaya Tha Woh Usi Kay Dehan Sa Tha

Woh Saadgi Pehan Ke Bhi Dil Main Utar Gaya
Us Ki Har Ik Ada Main Ajab Bhoolapan Sa Tha

Asaan Samajh Rahe Thay Usay Shehar-e-Jaan Ke Log
Mushkil Tha Is Qadar Ke Mere Apne Fun Sa Tha

Woh Guftugoo Thi Us Ki, Usi Ke Liye Hi Thi
Kehne Ko Yun Tu Main Bhi Shareek-e-Sukhan sa Tha

Taaray Thay Chandni main Keh Tuhmat Ke Daagh Thay
Mohsin Kal Asmaan Bhi Mere Kafan Sa Th

 

---

Relationships don't need promises, terms and conditions. It just needs two people....One who can trust.....and.....one who can understand... ♥