[(¯*♥¤»ƙɧՄՏɧՅԾԾ«¤♥*¯)]

na masoom baateiN , na aazaad khayaal, kya hua?
na teri koi khabar hai, na-jaane mera haal kya hua?

goonjti hai teri aawaaz dil ki viraan galiyon maiN
gum-sum yeh nazar puchti hai ek sawaal, kya hua?

milte the har shaam hum lab-e-dariyaa, aur ab ke
na tu hai, na baarish, yeh sookha, yeh saal kya hua?

waqt ki shaakh se toote woh lamhe yaad karta hun
woh shab-e-wisaal, woh nazaara-e-jamaal kya hua?

zindagi bad-rang hai, bad zauq aur bad-khwaab hai
yeh aalam hai ki ab tu aa bhi jaye to kamaal kya hua?

suna tha apna ahad-e-maazii dafnaa chuke
arse baad yun jurm-e-muhabbat ka ubaal, kya hua?

 

---