Saman-e-Tijarat Mera Imaan Nahi'n Hay ..
Har Dar Pay Jhukay Sar Yey Meri Shaa'n Nahi'n Hay ..
Har Lafz Ko Seenay Main Basa Lo To Banay Baat ..
Taakho'n Main Sajaane Ko Yey Qura'n Nahi'n Hay .. [taak = shelf]
Allah Meri Rizq Ki barkat Na Chali Jaye ..
Do Roz Say Ghar Main Koi Mehmaa'n Nahi'n Hay ..
Hum Nay To Banaye Hain Samandar Main Bhi Rastay ..
You'n Ham Ko Mitana Koi Asaa'n Nahi'n Hay ..
Jis Ko Buzurgo'n Ki Rivayat Na Rahay Yaad ..
Us Shakhs Ki Logo Koi Pehchaa'n Nahi Hay ..
Allah Kay Ehqaam Kii Tameel Hay Logo ..
Yeyy Faqa Kashi Maqsad-e-Ramzaa'n Nahi Hay ..
Chal Fiqr Noo Goli Maar Yaar Hain Din Jindri Day Chaar! 