Bhir main ik ajnabi ka samana acha laga
sab se chup kar vo kisi ka dekhna acha laga
surmai ankhon k niche phul se khilne lage
kahte kahte kuch kisi ka sochna acha laga
bat to kuch bhi nahi thi lekin us ka ek dam
hath ko honton pe rakh kar rokna acha laga
chay main chini milana us ghari bhaya bahut
zer-e lab vo muskurata shukriya acha laga
dil main kitne ahad bandhe the bhulane ke use
vo mila to sab irade torna acha laga
beirada lams ki vo sansani pyari lagi
kam tavajjo ankh ka vo dekhna acha laga
nim shab ki Khamushi main bhigti sarkon pe kal
teri yadon k jalo main ghumna acha laga
us udu-e-jan ko 'Amjad' main bura kaise kahun
jab bhi aya samne vo bevafa acha laga...
Hussain Ke Dushman Ki Sab Se Bari Baat Yeh Hai
Ke Woh Hussain Ka Dushman Hai...