[MAsooM LArKa]

Teri khushboo ka pata karti hai
mujh pe ehsaan hawa karti hai

shab ki tanhaee mein ab to aksar
guftagu tujh se rahaa karti hai

dil ko uss raah pe chalna hi nahi
jo mujhe tujh se juda karti hai

zindagi meri thi lekin ab to
tere kehne mein raha karti hai

uss ne dekhaa hi nahi warna ye aankh
dil ka ahvaal kaha karti hai

beniyaaz-e-kuf-e-darya angusht
ret per naam likha karti hai

Shaam parhte hi kisi shakhs ki yaad
kocha-e-jaan mein sadaa karti hai

abr barse to inaayat uss ki
shaakh to sirf dua karti hai

masla jab bhi utha charago'n ka
faisla sirf hawa karti hai

 

---

Relationships don't need promises, terms and conditions. It just needs two people....One who can trust.....and.....one who can understand... ♥