Piyaar k deep jalane wale kuch kuch pagal hotay hain
Apni jaan say jaane wale kuch kuch pagal hotay hain
Hijar k gehre zakhm mile to mujh ko yeh ehsaas howa
Pagal ko samjhane wale kuch kuch pagal hotay hain
Jaan say piyaare logon say kuch kuch parda lazim hai
Saari baat batane wale kuch kuch pagal hotay hain
Khwaabon main bhi piya milan k sapnay dekhte rehte hain
Neendon main muskurane wale kuch kuch pagal hotay hain
Iss jhooti nagri main hum ne yehi hamesha dekha hai
Sachi baat bataane wale kuch kuch pagal hotay hain
Pyaar jinhen ho jaye unko chain bhala kab mil pata hai
Shab bhar ashq bahane wale kuch kuch pagal hotay hain
Apni Zaat k ujray gulshan se woh piyaar kahan karte hain
Auro'on ko mehkaane wale kuch kuch pagal hotay hain
Kisi ke ishq main bheeg k sanam hum ko ye ehsaas huwa
Dil ki baat main Aane wale kuch kuch pagal hotay ha