[(¯*♥¤»ƙɧՄՏɧՅԾԾ«¤♥*¯)]

Hansnay K Zamanay Aaye


Jab bhi hansnay k zamanay aaye
Zakham phir yaad puranay aaye

Baar-ha unko manaaya tou humain
Rooth janay k bahanay aaye

Phir mujhe toot k chaha us ne
Phir bicharrnay k zamanay aaye

Muskura kar humain milnay waalay
Zindagi bhar ko rulanay aaye

Kitni mehroom theen neendain unki
Khawab bhi jin ko jaganay aaye

Teri chahat ne thehrnay na diya
Raah mein kitnay thikanay aaye

Tu nahin hai tou hawa ka jhonka
Ghar ki zanjeer hilaanay aaye

Dil bujha hai na jalay hain khaimay
Aap kiyun jashn mananay aaye...?

Issi umeed pe jaago yaaro
Ab woh kiss waqt na janay aaye

Raas aaya jinhain sehhra Kanwal

Un ki qismat mein khazanay aaye........

 

---