Terey Aaney Ke Khush Gumaan Waadey Pay
Roz Hum Yaqeen Kar Ke
Sar-e-Shaam Hi Umeedon Ke Charagh
Jala Detey Hain
Khushi Say Sarshaar Jab Humari Palkein
Dard-e-Intezar Ki Shidat Say
Nam Honey Lagti Hain
To Ikk Irada-e-Musamam Kar Ke
Tanhaai Ki Aziyat Say Karahtey Huwey
Bistar Pay Khud Ko Thapak Thapak Ke
Sulaney Ki Koshish Kartey Hain
Tumhein Humeisha Ke Liye
Bhulaney Ki Koshish Kartey Hain
Par Jaaney Kyun
Muztarib Ho Ke
Be-ikhtiyaar Ho Ke
Roz Hum Ye Irada Torr Detey Hain ....!