[! HEER]

Yay sarwari he bhala kya

Yay sarwari he bhala kya sikandari kya he

Dar e nabi ka gadaa huun mujhay kamii kya he



Fida na ho jo nabi par wo ummati kya he

Jo geeth ga-ay na un kay wo aadmi kya he



Dar e rasool pay lay chal janoon e ishq mujhay

Bagheyr aaqa kay guzray wo zindagi kya he



Tarrap raha he jo rozay ki haazri kay liay

Ussi ghareeb say puchho kay bay basi kya he



Nabi ki shaan e karimi na maan-nay waalo!

Mujhay bas itna bata do kay kaafri kya he



Barra karam he niyaazi madinay waalay ka

Karam na ho jo nabi ka to zindagi kya he