Habeeb-e-Khuda(s.a.w) ka nazarah karoon main
Dil-o-jaan Un par nisara karoon main
Teri kafsh-e-pa yoon saanwara karoon main
Ke palkaun say apni buhara karoon main
main kyun ghair ki thokarein khane jaoon
Tere dar se apna guzara karoon main
Khudara ab aaon ke dum hai labaun par
Dum-e-waapsi to nazarah karoon main
Tere naam par sar ko Qurbaan karke
Tere sar se sadqe utara karoon main
Yeh ek jaan kya hai agar ho karodoon
Tere naam par sab ko wara karoon main
Mera deen-o-imaan farishte jo poochein
Tumahri hi janib isharah karoon main
Khuda Khair se laae woh din bhi Noori
Madine ki galiyaan buhara karoon mai