Jo bhi dukh yaad na tha yaad aaya
Aaj kiya janye kiya yaad aaya
Phir koi haath hay dil per jaisey
Phir tera ehd-e-wafa yaad aaya
Aasi majbori kay alam main koi
yaad aaya bhi tou kiya yaad aaya
Aye rafiqoun sar-e-manzil jaa ker
Kiya koi aablah paa yaad aaya?
Yaad aaya tha bicharna teraa...
Phir nahin yaad keh kiya yaad aaya
Jub koi zakhm bhara daagh banaa
jub koi bhool gaya yaad aaya
Yeh mohabbat bhi hey kiya rog Faraz
Jis ko bhoolay woh sada yaad aaya