Tum Ne To Keh Diyaa Ke Mohabbat Nahi Mili
Mujh Ko To Ye Bhi Kehnay Ki Mohlat Nahi Mili
Neendon Ke Dais Jaatay Koi Khaab Dekhtay
Lakin Diyaa Jalaanay Se Fursat Nahi Mili
Tujh Ko To Khair Shehar Ke Logon Ka Khaof Tha
Or Mujh Ko Apnay Ghar Se Ijaazat Nahi Mili
Phir Ikhtilaaf-A-Raaiy Ki Soorat Nikal Pari
Apni Yahaan Kisi Se Bhi Aadat Nahi Mili
Bazaar Yoon Huay Ke Tere Aihad Mein Hamein
Sab Kuch Milaa Magar Sukoon Ki Dolat Nahi Mili