Suna hoga bohat tum ne
kahiN aankhoN ki rim jhim ka
kahin palkoN ki shabnam ka
parha hoga bohat tumne
kahiN lehjay ki barish ka
kahiN sagar ke aansoo ka
magar tum ne kabhi humdam
kahin daikhay kahin parkhay
kisi tehreer ke aansoo
mujhe teri judaai ne...
yehi mairaaj bakhshi hai
ke main jo lafz likhta hoN
woh saray lafz rotay hain
ke main jo harf bunta hoN
woh saray bain kartay hain
mere sang is judaai main
mere alfaz martay hain
sabhi tareef kartay hain
meri tehreer ki lekin
kabhi koi nahin sunta
mere alfaz ki siski
falak bhi jo hila daalay
mere lafzoN main hain shamil
usi taseer ke aansoo
kabhi daikho mere humdam
meri tehreer ke aansoo
Hussain Ke Dushman Ki Sab Se Bari Baat Yeh Hai
Ke Woh Hussain Ka Dushman Hai...