[(¯`•¸♥Faryal♥¸•´¯)]

Ajeeb Shakhsiyat hoon Khudh ko jalana chahti hoon,
Mein khudh ko rakh kar kahin bhool jana chahti hoon,
Mere naseeb ki khushiyan bhi kab milli mujhko??
Bas ab to umar bhar ansoo bahana chahti hoon,
Na janey kitni mohabbat hai ranj-o-gham hai mujhey,
Koi bhi dard ho dil mein chupana chahti hoon,
Baha baha ke yeh ansoo bikhar chuki hoon bohaat,
simat ke raat mein ab muskurana chahti hoon,
Jisey ek umer se Dil mein basa ke rakha hai,
Woh raaz aaj mein sab ko batana chahti hoon,
Wohi yaad hai jo acha kaha hai logo ne,
Baqaya sarey sitam bhool jana chahti hoon,
Mujhe zamaney ne pathar samajh liya hai magar,
Mein ek insaan hoon sab ko batana chahti hoon,
Jo mujh se ruth chuki hain zamane ki khushiyan,
To mein bhi khushyon se ab ruth jana chahti hoon,
Woh meri khwahishein, woh mera khwaab, woh meri bechani,
Umar rafta mein phir se woh pana chahti hoon,
Koi to ho jo mujhe bhi lagaye seenay se,
Kisi ko mein bhi gham apna sunana chahti hoon.