*Mere Malik Mujh Pay Ehsaan Kar*
Mere Malik Mujh Pay Ehsaan Kar ..
Mujhay Gham Say Tu Anjaan Kar ..
Na Mujhay Tu You'n Veeran Kar ..
Mere Murda Jism Main Jaan Kar ..
Kuch Log Jo Sab Say Haseen Thay ..
Mere Dil Ki Wo Taskeen Thay ..
Sab So Gaye, Kahi'n Kho Gaye ..
Ik Pyari Yaad Wo Hogaye ..
Na Mujhay Tu You'n Sunsaan Kar ..
Meri Bastiyaa'n Gunjaan Kar ..
Meri Himmatai'n Tu Nikhaar Day ..
Meri Zindagi Tu Sanwaar Day ..
Teri Rehmatain Hain Daggar Daggar
Kuch Mujh Pay Bhi Tu Utaar Day ..
Mere Khushq Lab Muskaan Kar ..
Meri Mushkilain Asaan Kar ..
Mere Malik Mujh Pay Ehsaan Kar ..
Mujhay Gham Say Tu Anjaan Kar ..
~*Gillanii ..