[ShArArTi MuNdA]

Ye kaun Doob gayaa aur ubhar gayaa mujh mein
ye kaun saaye ki surat guzar gayaa mujh mein

ye kis ke sooG mein shoridaa-haal phirtaa hooN
wo kaun shaKhs thaa aisa k mar gayaa mujh mein

ajab hawaa-e-bahaaraN ne charasaazi ki
wo zaKhm jis ko na bharnaa thaa bhar gayaa mujh mein

wo aadami k jo patthar thaa jee rahaa hai abhi
jo aaiina thaa wo bikhar gayaa mujh mein

bisaal kyaa k wo jab bhi qareeb se guzraa
wo yuN lagaa k koi raqs kar gayaa mujh mein

wo saath thaa to ajab dhoop chaauN rehti thi
bas ab to ek hi mausam Theher gayaa mujh mein …