har ek chehare ko zakhmon kaa aina na kaho
ye zindagii to hai rahamat ise sazaa na kaho
na jaane kaun sii majaburiyon kaa qaidii ho
vo saath chor gayaa hai to bevafaa na kaho
tamaam shahar ne nezoon pe kyun uchhaala mujhe
ye ittefaaq thaa tum is ko haadasaa na kaho
ye aur baat ke dushman huaa hai aaj magar
vo meraa dost thaa kal tak use buraa na kaho
hamaare aib hamein ungaliyon pe ginvaao
hamaarii piiTh ke piichhe hamein buraa na kaho
main vaqiyaat kii zanjiir kaa nahiin qaayal
mujhe bhii apane gunaahon kaa silsilaa na kaho
ye shahar vo hai jahaan raakshas bhii hai "Rahat"
har ek taraashe huye but ko devataa na kaho
.
Ajab Tamasha-Gar Hain Matti k ye Putlay "SAQI"
Bewafai Karo to Rote Hain, Wafa karo to Rulate Hain