[FAJAAN]

Ab ke ham bichhde to shaayad kabhi Khvaabon mein milen
jis tarah suukhe hue phuul kitaabon mein milen


Dhuundh ujade hue logon mein vafaa ke moti
ye Khazaane tujhe mumkin hai Kharaabon mein milen

tuu Khudaa hai na meraa ishq farishton jaisaa
donon insaan hain to kyoun itane hijaabon mein milen

Gam-e-duniyaa bhii Gam-e-yaar mein shaamil kar lo
nashaa badta hai sharabein jo sharaabon mein milen

aaj ham daar pe khenche gaye jin baaton par
kya ajab kal vo zamaane ko nisaabon mein milen

ab na vo main huun, na tu hai, na vo maazii hai `Fajaan’,
jaise do shaKhs tamannaa ke saraabon mein milen