Chaman Ka Haal Tu Yeh Hai K Khaak Urti Hai
Kidhar Se Ho K Baharoon K Karwan Guzray
Diyar-e-Ghair Mein Sara Safar Anokha Tha
Kadam Kadam Pe Hum Naya Day K Imtihan Guzray
Saba Bhi Aai Tu Phooloon K Mooh Jholas K Gaee
Yahan Se Aber Bhi Barsa K Bijliyaan Guzray
Jo Chup Rahein Tu Malamat Karay Zamir Humein
Khari Khari Jo Sunaein Tu Aapko Giraan Guzray
Guzarnay Ko Tu Musibat K Din Guzar Hi Gaye
Baray Hi Gehray Mager Chor Kar Nishaan Guzray
Sahi Gayeen Na Taghaful Ki Chand Nazrein Bhi
Hain Sharamsar K Is Dil Main Kia Gumaan Guzray
Kabhi Tu War Raqeeboon K Day Gaye Hain Maza
Kabhi Tu Piyaar Azizoon K Bhi Giraan Guzray
Aye Dil Sambhal K Kisi Ko Hisab Dayna Hai
K Zindagani K Lamhay Kahan Kahan Guzray