Wohii phir mujhe yaad aane lage hain
jinhen bhulaane men zamaane lage hain
Wo hain paas aur yaad aane lage hain
Muhabbat ke hosh ab thikaane lage hain
Sunaa hai hamen vo bhulaane lage hain
To kyaa ham unhain yaad aane lage hain
Hataaye thay jo raastey sey doston kii
Wo patthar mere ghar men aane lage hain
Ye kehanaa thaa un se muhabbat hai mujh ko
Ye kehane men mujh ko zamaane lage hain
Qayaamat yaqiinan qariib aa rahii hai
'Khumar' ab to masjid men jaane lage hain
.
Ajab Tamasha-Gar Hain Matti k ye Putlay "SAQI"
Bewafai Karo to Rote Hain, Wafa karo to Rulate Hain