puchte ho to suno kaise basar hoti hai
rat khairat k sadqe ki sahar hoti hai
sans bharnay ko to jeena nahin kahtay ya rab
dil he dukhta hai na ab asteen tar hoti hai
jaise jagi hui ankhon main chubhain kanch ke khwab
rat is tarah diwanon ki basar hoti hai
gam hi dushman hai mera gam hi ko dil dhundta hai
ek lamhe ki judai bhi agar hoti hai
ek markaz ki talash ek bhatakti khushbu
kabhi manzil kabhi tamhid-e-safar hoti hai