koi chehra hua roshan na ujagar ankhain
aina dekh rahi thin meri pathar ankhain
le uri waqt ki andhi jinhen apne hamrah
aj phir dhund rahi hain wahi manzar ankhain
phut niklin to kai shahar-e-tamanna dube
ek qatre ko tarasati hui banjar ankhain
us ko dekha hai to ab shauq ka wo alam
hai
apne halakon se nikal ai hain bahar ankhain
tu nigahon ki zuban Khub samajhata hoga
teri janib to utha karti hain aksar ankhain
log martay na dar-o-bam se takra ke
kabhi
dekh lete jo 'Kamal' us ki samandar ankhain