Raabta Laakh Sahi Qaafla-e-Salaar Kay Saath ..
Hum Ko Chalna Hay Magar Waqt Ki Raftaar Kay Saath ..
Gham Lagay Rehtay Hai'n Har Aan Khushi Kay Peechay ..
Dushmani Dhoop Ki Hay Saaya-e-Deewaar Kay Saath ..
Lafz Chunta Hoo'n To MafhoOm Badal Jaata Hay ..
Ik Na Ik Khauf Bhi Hay Jurrat-e-Izhaar Kay Saath ..
Dushmani Mujh Say Kiye Ja Magar Apna Ban Kar ..
Jaan Lay Lay Mairi Sayaad Magar Pyaar Kay Saath ..
Do Gharri Aao Mil Aaey'n Kisi Ghalib Say Qateel ..
Hazrat-e-Zauq To Waabasta Hai'n Darbaar Kay Saath !!
*~*~*~*~*~*~*~*