Nishaan Koi Na Tha
Kia Safar Tha Raah-O-Manzil Ka Nishaan Koi Na Tha
Kaafila Koi Na Tha, Aur Karwaan Koi Na Tha
Hum Nay He Apnay Tasawar Say Tujhay Tashkeel Di
Hum Say Pehlay Tu, Tera Naam-O-Nishaan Koi Na Tha
Dil K Darwazay Pay Dastak Baarha Hoti Rahi
Hum Say Milnay Ko Magar Aaya Wahan Koi Na Tha
Aainon K Shehar Main Har Simt Hum Thay, Sirf Hum
Hum Chalay Aaye Tu Hum Jaisa Wahan Koi Na Tha