[!«╬Ĵamil Malik╬«!]

Ye mojaza bhi muhabbat kabhi dikhaye mujhe
Ki sang tujhape gire aur zaKhm aye mujhe

Wo maharaban hai top iqarar kyun nahin karata
Wo badaguman hai to sau bar azamaye mujhe

Main apane panw tale raundata hun saye ko
Badan mera hi sahi dopahar na bhaye mujhe

Main ghar se teri tamanna pahan ke jab nikalun
Barahana shahar main koi nazar na aye mujhe

Wo mera dost hai sare jahan ko hai malum
DaGa kare wo kisi se to sharm aye mujhe

Main apani zat main nilam ho raha hun `Qateel`
Gam-e-hayat se kah do Kharid laye mujhe

MALIK