[waheed ahmed]

gham-e- zindagi teri rah mein
shab-e-arzoo teri chah mein
jo ujar gaya woh basa nahin
jo bichar gaya woh mila nahin
jo dilo nazar ka suror tha
meray pass reh kar bhi door tha
wohi ik gulaab umeed ka
meri shahkh-e-jan pe khila nahin
mera hamsafar jo ajeeb hai
tou ajeeb tar hon mai aap bhi
mujhay manzilon ki khabar nahin
ussay raston ka pata nahin
pas-e-karwaan sar-e-rahguzar
main hara hon tou is liay
k qadam tou sab say mila liay
mera dil kisi say mila nahin