[SHAYAN]

Meri Tarhan Kisi Se Muhabbat Usay Bhi Thi

Zikar E Shab E Faraq Se Vehshat Usay Bhi Thi
Meri Tarhan Kisi Se Muhabbat Usay Bhi Thi

Mujh Ko Bhi Shouq Tha Naye Chehron Ki Deed Ka
Rasta Badal Ke Chalnay Ki Adat Usay Bhi Thi

Us Raat Dare Tak Wo Raha Mehv e Guftgu
Masroof Mein Bhi Kam Tha Faragat Usay Bhi Thi

Mujh Se Bichar Ke Shehar Mein Ghul Mil Gaya Wo Shakhs
Halankay Shehar Bhar Se Adawat Usay Bhi Thi

Wo Mujh Se Barh Ke Zabt Ka Aadi Tha Ji Gaya
Warna Har Aik Sans Qayamat Usay Bhi Thi

Sunta Tha Wo Bhi Sab Se Purani Kahania
Shayad Rafaqton Ki Zaroorat Osay Bhi Thi

Tanha Huwa Safar Mein To Mujh Pe Khula Yeh Bhaid
Saye Se Pyar Dhoop Se Nafrat Usay Bhi Thi

Mein Us Se Keh Na Saka Yoon Bhi Haal e Dil
Dar Paish Aik Taza Moseebat Usay Bhi Thi !!