[MASOOM GIRL]

Suna ho ga bohot tum nay..
Kahee'n aankho'n ki rim-jhim ka..
Kahee'n palko'n ki shabnam ka..
Parrha ho ga bohot tum nay..
Kahee'n lehjay ki baarish ka..
Kahee'n saagar k aa'nsu ka..
Mager tum nay kabhi humdam..
Kahee'n daikhay, kahin parkhay..?
Kisi tehreer k aa'nsu..?!
Mujhay tairi judaaii nay..
Yehi mairaaj bakhshi hay..
K mai'n jo lafz likhta hoo'n..
Woh saaray lafz rotay hai'n..
K mai'n jo harf bunta hoo'n..
Woh saaray bain kartay hai'n..
Mairay sang is judaaii may..
Mairay alfaaz martay hai'n..
Sabhi ta'reef kartay hai'n..
Mairi tehreer ki laikin..
Kabhi koi nahee'n sunta..
Mairay alfaaz ki siski..
Falak bhi jo hila daalay..
Mairay lafzo'n may hai'n shaamil..
Usi taaseer k aansu..
Kabhi daikho mairay humdam..
Mairi tehreer k aa'nsu..!!

 

---