kaha yeh dard ney ik baar phir ubhertey hoye
k thora waqt to lagta hai zakhm bhartey hoye
phir is kinaarey pe lautoon ga kab KHUDA janey
mein sochta raha darya ko paar kartey hoye
hamein yeh teri udaasi bhali nahiN lagti
sukoot e shab sey kaha jugnuon ney dartey hoye
mein bujh sa jata hoon manzar yeh jab bhi dekhta hoon
kisi nashaib mein ik saaye ko utertey hoye
meri ragon mein bhi utrey hain kuch khizan mausam
mujhey bahaar ney dekha nahin bikhertey hoye
mein be niyaz hi guzra tha,shaad,raahon sey
uboor ho gayeiN kuchh manzilein guzartey hoye