[Owi]

-:||:- Ghazal Bahaana Karoon -:||:-
( 7 )

Tajdeed-e-ishq-e-yaar nay ghunchay khila diye
Shoq-e-rafoo nay zakham naye or laga diye

Subha-e-tarab k naam pay naaray laga k phir
Us nay chiraagh sheher k saaray bujha diye

Dash-e-wafa mein dekh, kahaan say kahaan talak
Shoq-e-safar nay paaoon k chaalay berha diye

Manzil ki justujoo gai, zaad-e-safar gaya
Gard-e-safar nay raastay ghar k bhula diye

ShihaaB bayaaz-e-derd say kuch shair to suna
Muddat hui hai zakham-e-wafa ko hawa diye !

 

---

•||•––––•||•––•Owi•––•||•––––•||•

---

Last edited by Owi; 11-05-2012 at 03:59 PM..