[ROSE]

دلوں میں اُٹھتے ہوُے دردِ بے کنار کی خیر
درِ قفس سے اُدھ شامِ انتظار کی خیر

مزاجِ طوق و سلاسل کی برہمی کو دُعا
مقامِ شوق سلامت صلیب و دار کی خیر

تھکے تھکے ہوُے قدموں کی آہٹوں کو سلام
بجھی بجھی ہوُئی اک ایک رہگزار کی خیر

خراج دینے کو آیا ہے چاندنی کا جلوس
قفس میں خاک نشینوں کے اقتدار کی خیر

کبھی جو دھوپ میں آثار آندھیوں کے بڑھے
مسافروں نے کہا نخلِ سایہ دار کی خیر!

دکانِ شیشہ میں پتّھر سجا کے بیٹھا ہے
فقیہہِ شہر کے بے سود کاروبار کی خیر

شگفتِ گُل پہ ہیں پہرے صبا ہے خاک بَسر
چمن میں رونقِ ہنگامئہ بہار کی خیر!

کڑک رہی ہیں کمانیں عدُو کے لشکر کی
فصیلِ شہر کے خوابیدہ پہریدار کی خیر!

مزاجِ موجئہ خوشبو میں برہمی ہے بہت
قبائے حسنِ چمن تیرے تار تار کی خیر

گلاب لفظ مہکتے رہیں سدا محسنؔ!
فضائے دشتِ سخن میں ہو خار خار کی خیر

 

---

Kabhi zindagi me kisik liay mut rona**
q k vo''tumhare ansoun k kabil nahi ho ga''
or ''vo'' jo is ''kabil'' ho ga vo tumhe ''rone'' nahi de ga''*****