[life]

حدیث نمبر 607
حضرت ابو رفاعہ تمیم بن اسید رضی اللہ عنہ بیان کرتے ہیں کہ میں نبی صلی اللہ علیہ وسلم کی خدمت میں حاضر ہوا۔ آپ اس وقت خطبہ ارشاد فرما رہے تھے۔ میں نے عرض کیا: "اے اللہ کے رسول! ایک اجنبی آدمی آیا ہے وہ اپنے دین کے بارے میں پوچھتا ہے اور اسے یہ معلوم نہیں کہ اس کا دین کیا ہے؟" پس رسول اللہ صلی اللہ علیہ وسلم میری طرف متوجہ ہوئے اور خطبہ چھوڑ دیا حتیٰ کہ آپ میرے قریب تشریف لے آئے۔ آپ کے لیے ایک کرسی لائی گئی تو آپ اس پر بیٹھ گئے اور اللہ تعالیٰ نے جو تعلیم آپ کو دی تھی وہ تعلیم آپ مجھے دینے لگے پھر اپنے خطبے کی طرف گئے اور اس کے آخری حصے کو مکمل فرمایا'' (مسلم)
توثیق الحدیث: أخرجہ مسلم (876)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔