[SABA134]

Saharon choot jate ho to kuch acha nahi lagta,
Kinaron roth jate ho to kuch acha nahi lagta,

Baharon se ladhe pholon, tumhe to zindagani ho,
Magar jab sokh jate ho to kuch acha nahi lagta,

Ay mere dil tumhari har ada sar ankhon pe mere,
Magar jab toot jate ho to kuch acha nahi lagta,

Mujhay mujh se churate ho to sab kuch khuab lagta hai,
Magar jab roth jate ho to kuch acha nahi lagta,

Tum aate ho to har lamha tumhare husn main doobe,
Magar jab laut jate ho to kuch acha nahi lagta,

Tumhara hi yaqeen mujh ko shaoor-e-zindagi bakhshe,
Kabhi tum dagmagate ho to kuch acha nahi lagta,

Mere lafzon main rehte ho to lamhe jhoom jate hain,
Kisi k geet gate ho to kuch acha nahi lagta....!!!

 

---