[Owi]

-:||:- Hai Ye Chouti Si Iltayjaa Khush Reh -:||:-

Ab nahi kuch bhi bolta khush reh
Chal main khaamosh ho gaya khush reh

Main faraamosh ker chuka sab kuch
Tu bhi sab bhool bhaal ja khush reh

Bhaij laanat tamaam qissay per
Phir laga aik qeh-qahaa khush reh

Ye samhaj lay k kuch hua hi nahi
Bhool ker sab kaha suna khush reh

Mashwarah hai na hukum hai koi
Hai ye chouti si iltayjaa khush reh

Shoq acha hai main to kehta hoon .....
Bas meri jaan shoqiyah khush reh !

 

---

•||•––––•||•––•Owi•––•||•––––•||•