Ye Baat Samajh Main Aayi nahi, Aur Ammi ne Samjhayi Nahi
Main Kaisai Meethi Baat Karoon? Jab Meethi Cheez Khai Nahi
Aapa bi Pakati hain Halwa, Wo Akhir Kiun Halwai Nahi?
Bhaia ki Mangnii ho gai hai kal,kiun kal hi dulhan Mangwai nahi?
Ye Baat Samajh Main Aayi Nahi
Nani Ke Mian Jab Nana hain, Dadi Ke Mian Jab Dada Hain
Tab Aapi Se Main Ne Poocha, Kia Baaji ke Mian Baaja hain?
Wo hans hans kar yoon kehnay lagin, Aie bhai nahi yoon bhai nahi
Ye Baat Samajh Main Aayi Nahi
Jab Naya Maheena Aata hai , Bijli ka Bil Aa jata hay!
Hala'n K Badal Bechara Ye Bijli Muft Lutata hai
Phir Hum ne Apnay Ghar Bijli, Kiun Badal se Lagwai Nahi?
Ye Baat Samajh Main Aayi Nahi
Gar Billi Sher ki Khala hay , phir hum ne usai kiun pala hai?
Kia Sher Bohat Nalaik hai, Khala ko Maar Nikala hai
Ya Jungle K Raja ke han, kia milti doodh Malayii nahi
ye bat samaj main aai nahi
Kiun Lambay Baal hain B Bhaalu k, Kiun us ki tind karayi Nahi
Kia wo bi Ganda bacha hai,ya us ke Abbu bahi nahi?
Ye us ka hair style hai, Ya Jungle mai koi nayi nahi
Ye Baat Samajh Main Aayi Nahi
Jo Taray JagMag kartay hain , Kia un ki chachi Taayi nahi
Ho ga koi rishta sooraj se,Ye bat hamain batlai nahi
Par chand kis ka mamoon hai ,jab mami ka wo bhai nahi
ye bat samaj main aai nahi
Ye baat samajh main aayi nahi, Aur Ammi ne samjhai nahi
Main kaisay Meethi Baat Karoon , Jab Meethi Cheez Khayi Nahi!!!
Last edited by beyond_vision; 05-23-2012 at 02:13 AM..