Mujhy rona nahi awaaz bhi bhari nahi karni
Muhabbat ki kahani main adaa'kaari nahi karni
Hamara Dil zra uktaa gya tha ghar main reh reh kr
yunhi bazaar aey hain,khari daari nahi karni
Tahammul ay Muhabbat hijr pathrila elaqa hai
Tujhy is raastay pay taiz raftaari nahi karni..
Hawa k khauf sy lipta hua hn khushk tehni sy
kahen jana nahi jany ki tayyari nahi karni
Gazal ko kam-nigahon ki pohanch sy door rakhta hn
Mujhy banjar demaghon main sajarkari nahi karni
Nasihat ki thi mujh ko Qais ny sehraa k bary main
Ye mera ghar hay is ki chaardewari nahi karni...