Wo dekho
Ik laash pari hai, lahu mein doobi
Khaak aluda, bikhri bikhri
Ghair hai ya apna, kon hai jane ?
Aao dekhain or pehchanein
Naqash mita dale goli ne
Rangat khoon mein doob gai hai
Jaib tatolo kia rakha hai
Ye to khoon se tar gajra hai
Das das k do note rakhe hain
Hath jo neeche daba hua hai
Is ki sakht girift mein kia hai
Shayad hai school ka basta
Ya ik parcha hai, khat hai shayad
Tooti phooti si urdu mein
Rangeen pencil k rango se likha hai
Aaj jo bhoolay basta mera
Katti hoo jao gi app se
Toffee or biscuit bhi lana
Pyare Abbu jaldi ana
Last edited by Miss Habib; 04-10-2012 at 02:00 PM..