ہوس تو ہے کہ بلندی پہ تیرا گھر دیکھوں
نظر اُٹھاؤں تو اپنے شکستہ ’’ پر ‘‘ دیکھوں
تِرے قریب سہی مضطرب ہے دِل کتنا
ہَوا کی چاپ جو اُبھرے تو ’’ سوئے دَر ‘‘ دیکھوں
کسی طرح تو یہ تنہائیوں کا کرب کٹے
بلا سے اپنے ہی سائے کو ہمسفر دیکھوں
کچھ اس لیے بھی اندھیروں نے ڈس لیا مجھ کو
مجھے یہ شوق تھا رنگِ رخِ سحر دیکھوں
وہ لمس وہم سہی اُس سے دِل تو بہلاؤں
وہ جسم خواب سہی اُس کو عمر بھر دیکھوں
میں لُٹ چکا میرے رہزن بھی گُم ہُوئے لیکن
یہ کیسا خوف ہے پھر بھی اِدھر اُدھر دیکھوں
ہوائے شامِ سفر یہ سفر کہاں کا ہے؟
کہ ہر قدم پہ نیا رنگِ رہگزر دیکھوں
فرازِ عرش نہیں گر تو شاخِ دار سہی
کسی طرح تو بلندی پہ اپنا سر دیکھوں
گنوا دیا انہیں اب اُن کی یاد کیوں آئے؟
میں دوستوں سے یہ رشتہ بھی توڑ کر دیکھوں
دُھواں دُھواں میری سانسیں ہیں زخم زخم بدن
خیال تھا کبھی اخلاصِ چارہ گر دیکھوں
وہ کنجِ لب ہو اگر ’’ وا ‘‘ میرے لیے "محسن"
بقولِ درد میں سو سو طرح سے مر دیکھوں .;;;
ایک تیرا ہجر جو بالوں میں سفیدی لایا
ایک تیرا عشق جو سینے میں جوان رہتا ہے
And Allah is All Enough For Me (Al-Quran)