Kisi ki maang sajti hai, mujhe tum yaad aatey ho
Mohabbat jab tarahpti hai mujhe tum yaad aatey ho
Khizaan mai zard pattey jab bitchar jate hain shakhon se
Koi rutt jab badalti hai mujhe tum yaad aatey ho
Mujhey ye bhi kisi ki chahaton ka khoon lagta hai
Kaheen mehndi nikharti hai mujhey tum yaad aatey ho
Mohabbat bhi to yunhee bheeg jati hai andheron mai
Shafaq mai dhoop dhalti hai mujhe tum yaad aatey ho
Sama jata hai aankhon mai terey jazbon ka bheega pann
Kaheen baarish barasti hai mujhe tum yaad aatey ho
Zamaney k sawalon ko mai hans kar taal doon lekin
Nami aankhon ki kehti hai mujhe tum yaad aatey ho