Muhabbaton mein har ek lamha wisal hoga ye tey howa tha
bichar ke bhi ek dosrey ka khayal hoga ye tey howa tha
wuhi howa na badaltey muosam mein tum ne ham ko bhula dia hey
koi bhi rut ho na chahaton ko zawal hoga ye tey howa tha
ye kia ke sansain ukhar gai hain safar ke aghaz se hi yaro
koi bhi thak kar na rastey mein nidhal hoga ye tey howa tha
juda huyee hain tu kia huwa phir yehi to dastor e zindagi hey
judaiyon mein na qurbaton ka malal hoga ye tey howa tha
chalo ke Faizan kashtion ko jala dain gumnam sahilon per
ke ab yahan se na wapsi ka sawal hoga ye tey howa tha